Raportuesja për Kosovën në Parlamentin Evropian, Viola von Cramon, ka reaguar pas pamjeve të publikuara nga ministri i Brendshëm, Xhelal Sveçla, i cili në llogarinë e tij në “Facebook”, ndau pamjet e kapura nga Agjencia Kosovare e Inteligjencës ku shiheshin tërroristët serbë.
Përmes një postimi në “X” (ish-twitter), Cramon ka pyetur se kur do të nisin sanksionet nga BE lidhur me sulmin që serbët i bënë Kosovës në Banjskë të Zveçanit, ku mbeti i vrarë efektivi i Policisë, Afrim Bunjaku.
“Kur do të fillojë sanksionimi i këtyre njerëzve këtu? Ngrirja e aseteve, e llogarive bankare dhe parandalimi i tyre (dhe i disa kriminelëve të tjerë) për të udhëtuar në shtete e BE-së? Kjo do të ishte së paku sa për fillim (siç kishte bërë ShBA-ja disa kohë më parë)?”, ka shkruar von Cramon.
When do finally start sanctioning these guys here? Freezing assets, bank accounts and prevent them (there are a couple of other criminals) from traveling to 🇪🇺 countries? This would be at least a start (like the US did some time ago).@JosepBorrellF @vonderleyen @OliverVarhelyi https://t.co/rH0mIgY4Ao
— Viola von Cramon 🇺🇦🇪🇺 (@ViolavonCramon) September 26, 2023
