Zgjidhet Kryesia e re e PD: Jozefina Topalli mes 6-të grave fituese, më i votuari nga demokratët Belind Këlliçi

Partia Demokratike ka zgjedhur sot 20 anëtarët e rinj të Kryesisë. Mësohet se gjashtë emra do të jenë gra të kësaj force politike dhe 14 anëtarët e tjerë meshkuj.

Mbledhja e Këshillit Kombëtar dhe procesi i votimit kanë nisur në orën 11.00, të kësaj të shtune 28 Maj. Kanë qenë 47 emra që kanë garuar për 20 vende në institucionin më të lartë të PD, nga të cilat 6 janë gra dhe 14 burra.

Kandidati më i votuar nga meshkujt ka qenë deputeti Belind Këlliçi, me 192 vota, dhe nga gratë ka qenë Fatbardha Kadiu, me 141 vota. Brenda javës që vjen, do të zgjidhen Sekretari i Përgjithshëm i PD dhe nënkryetarët e kësaj force politike.

Gjashtë gratë që do të jenë në Kryesinë e PD-së:

1. Fatbardha Kadiu – 141 vota
2. Ina Zhupa – 126 vota
3. Jozefina Topalli – 118 vota
4. Edith Harxhi – 85 vota
5. Mimoza Hajdarmataj – 78 vota
6. Eleina Qirici – 75 vota

14 anëtarët e tjerë të Kryesisë së PD:

1. Belind Këlliçi – 192 vota
2. Flamur Noka – 166 vota
3. Oerd Bylykbashi – 148 vota
4. Ervin Minarolli – 137 vota
5. Luçiano Boçi – 128 vota
6. Agron Shehaj – 123 vota
7. Luan Baçi – 121 vota
8. Grigels Muçollari – 116 vota
9. Gent Strazimiri – 100 vota
10. Enno Bozdo – 96 vota
11. Keltis Kruja – 91 vota
12. Arben Ristani – 90 vota
13. Aldo Bumçi – 89 vota
14. Florion Mima – 88 vota