Ka dalë para gjykatës ditën e sotme 68-vjeçari që qëlloi me armë për vdekje 39-vjeçarin shqiptar në Pire, pas sherrit për parkimin.
Autori Dhimitris Kutrumanis ka shfaqur pendim para togave të zeza, duke thënë se ky ishte gabimi më i madh që ka bërë në jetë.
“Jam penduar. Sinqerisht kërkoj falje, ishte gabimi më i madh i jetës sime. Dhe për këtë meritoj dënimin tim”, tha autori.
Kujtojmë që ngjarja e rëndë ka ndodhur katër ditë më parë në Pire, ku pas një sherri 68-vjeçari qëlloi me armë zjarri në kokë Limka Brigen 39 vjeç. I moshuari qëlloi dy herë më armë zjarri në kokë shqiptarin, duke i shkaktuar edhe vdekjen e menjëhershme.
Lexo edhe: Sherr për parkimin, qëllohet për vdekje shqiptari në Greqi (Emri)