I ngarkuari i BE-së për dialogun Kosovë-Serbi, Miroslav Lajçak ka dënuar sulmin ndaj policisë së Kosovës, ku mbeti i vrarë efektivi Afrim Bunjaku dhe u plagosën dy të tjerë.
Lajçkak shprehet se dhuna e çdo forme është absolutisht e papranueshme, duke u bërë thirrje palëve që të rikthehen menjëherë në dialog.
I strongly condemn the horrific attack against Kosovo police last night. Violence of any form is absolutely unacceptable. My heart goes out to the victims, their families and colleagues. The perpetrators must be brought to justice. Everyone needs to return to dialogue immediately https://t.co/xeIoBRVHrM
— Miroslav Lajčák (@MiroslavLajcak) September 24, 2023
Sot, persona të maskuar dhe armatosur në hyrje të fshatit Bajnskë, në urë kishin vendosur dy mjete të rënda kamion duke bllokuar kështu hyrjen në fshat. Policia menjëherë është nisur drejt vendit ku ishte bllokuar rruga, ku janë hasur me sulmin me armë zjarri dhe granata dore.
Efektivët në vetëmbrojtje i janë përgjigjur sulmit dhe kanë arritur që ta zmbrapsin sulmin fillestar për të krijuar kushte për dhënien e ndihmës dhe tërheqjen e kolegëve të qëlluar me armë zjarri. Si pasojë e këtij sulmi një nga efektivët ka humbur jetën, Afrim Bunjaku.
