Deputeti i Partisë Demokratike, Gazment Bardhi, pritet të thirret nga Prokuroria e Elbasanit për të dëshmuar në lidhje me vrasjen e Pjerin Xhuvanit 4 ditë para zgjedhjeve të 25 prillit në një përplasje me armë.
Burime përë mediat bëjnë me dije se Bardhi pritet që të thërritet në cilësinë e personit që ka dijeni për rrethanat e hetimit, por edhe si kryesuesi i listës së PD në Elbasan, ku ka bindje se nga ajo seli është dhënë urdhër për të qëlluar ndaj Pjerin Xhuvanit.
Pavarësisht se ka kaluar më shumë se një vit nga krimi, prokurorët duket se janë ende të paqartë. Ish-drejtori i spitalit Psikiatrit, Pjerin Xhuvani u qëllua më 21 prill me armë nga Arbër Paplekaj, shoqëruesi i Gazmend Bardhit.
Të plagosur mbetën edhe katër persona të tjerë, Emiljan Prenga, Pavlo Vuksani, Eltjon Bodinaku dhe Xhensila Sota, e cila është punonjëse e policisë.