Kreu i Partisë së Lirisë, Ilir Meta dënon sulmin ndaj Policisë së Kosovës në Leposaviq, me pasojë vrasjen e një efektivi dhe lëndimine dy të tjerëve.
Meta me anë të një postimi në rrjetet sociale, shkruan se kjo ngjarje është e përsëritur dhe ndaj tregon domosdoshmërinë e sundimit të ligjit.
“Partia e Lirisë dënon sulmin kriminal ndaj Policisë së Kosovës në Leposaviq me pasojë vrasjen e një punonjësi policie dhe plagosjen e një tjetri.
Kjo ngjarje e rëndë dhe e përsëritur tregon domosdoshmërinë e sundimit të ligjit. Mbështesim Policinë dhe autoritetet e Kosovës për të garantuar sigurinë publike dhe ndëshkuar autorët e kësaj ngjarje kriminale”, shkruan Meta në postimin e tij.
