Një grabitje ka ndodhur mbrëmjen e sotme në rugën “Demokracia”, Paskuqan 2, në një servis.
Bëhet me dije se dy persona të paidentifikaur me armë zjarri kallashnikov kanë vjedhur orën e dorës dhe varësen, pronarit të servisit, shtetasit Xh. Sh.
Autorët kanë qenë me një mjet “Smart” dhe kanë ikur në drejtim të Durrësit. Policia ka ngritur pika kontrolli në hyrje dhe dalje të Tiranes dhe në disa zona të tjera.
“Më datë 01.04.2023, rreth orës 20:45, në rrugën “Demokracia”, Paskuqan 2, në një servis, dy persona ende të paidentifikuar, nën kërcënimin e armës i kanë vjedhur orën e dorës dhe varësen, pronarit të servisit, shtetasit Xh. Sh.
Grupi hetimor po punon për sqarimin e rrethanave të ngjarjes dhe identifikimin e kapjen e autorëve”, njofton policia.
