Ish-komandanti suprem i Ushtrisë Çlirimtare të Kosovës, Hashim Thaçi i është dorëzuar autoriteteve të Gjykatës Speciale.
Vetëm pak minuta më parë ai ka mbërritur në selinë e EULEX në Fushë Kosovë.
Thaçi dha menjëherë dorëheqjen pas konfirmimit të akuzave nga Gjykata Speciale që e akuzon atë për krime lufte.
“Do bashkëpunoj ngushtë me drejtësinë dhe nga ky moment jam në dispozion të drejtësisë. Unë besoj në të vërtetën dhe të ardhmen e shoqërisë sonë”, deklaroi Thaçi gjatë fjalimit të dorëheqjes.
Akuza i është konfirmuar edhe kreut të Partisë Demokratike të Kosovës, Kadri Veseli.