Ka ndërruar jetë në moshën 61-vjeçare, Matteo Messina Denaro, ish-bosi i Cosa Nostra, i cili prej disa ditësh ndodhej në koma të pakthyeshme, në një spital në L’Aquila, ku ishte i burgosur nën regjimin “41 bis”.
Messina Denaro ishtë shtruar në repartin e të burgosurve të spitalit L’Aquila, ku sipas mjekëve mbeti në koma të pakthyeshme. Ai ishte autorizuar të takonte disa anëtarë të familjes, por nuk ka dashur që e bija ta shohë në atë gjendje. Mirëpo, burime për mediat italiane bëjnë me dije se ajo ka qenë pranë shtratit të tij.
Bosi i mafias është i njohur për lidhjet e tij me krimin dhe faktit se arriti t’i shmangej policisë për 30 vite. Kujtojmë se ai u arrestua më 16 janar, teksa shkonte në një nga klinikat më prestigjioze në Palermo për t’iu nënshtruar kimioterapisë.
