Detaje të reja kanë dalë nga vdekja e mistershme e 24 vjeçarit nga Përmeti, Endri Dhimitri, i cili u gjet i pajetë ditën e djeshme në shtëpinë e tij në “Don Bosko”.
Shokët e 24-vjeçarit akuzojnë mjekët për neglizhencë. Ata thonë se Endri kishte shkuar në gjendje të dehur në Spitalin e Traumës pasi kishte konsumuar një shihe uiski në një lokal në rrugën e Kavajës në 28 nëntor dhe ishte në gjendje tepër të rëndë.
Por sipas dëshmisë të dy djemve që jetonin me të ndjerin, mjekët e kanë neglizhuar duke i thënë “nuk ke asgjë” dhe “e ke nga pija, pi kokrat”. Sipas tyre mjekët nuk e vizituan.
24-vjeçari i cili tre vite më parë mbeti jetim pasi humbi nënën e tij, u gjet i pajetë në shtëpi përpara se të mbërrinte ambulanca. Pranë tij u gjet edhe një shishe alkooli. Shkaku i vdekjes është hemorragjia e brendshme.
Por mjekët e Spitalit të Traumës kanë reaguar duke thënë se e kanë mbajtur të riun nën vëzhgim për 6 orë.
