Një 33-vjeçare shqiptare është arrestuar nga policia italiane pasi është kapur me rreth 700 gram kokainë.
Vajza shqiptare me inicialet C.A është ndaluar fillimisht në autobus në Ragusa të Siçilisë, pasi gjatë një kontrolli nga policia vendase rezultoi se ajo nuk ishte e pajisur me dokumentat përkatëse për të qëndruar në Itali.
Në atë moment shqiptarja shpërtheu në lot, dhe karabinierët italianë u munduan ta qetësonin duke i thënë se nuk do të dëbohej. Por gjatë shoqërimit në komisariat, 33-vjeçarja shqiptare ishte gjatë gjithë kohës e shqetësuar. Kjo bëri që policet e komisariatit të dyshojnë dhe pas ushtrimit të kontrollit iu zbuluan 700 gram kokainë e pastër.
Shqiptarja po mbahet në paraburgim dhe sipas ligjit të ri italian do të dëbohet drejt Shqipërisë.
