Vaksina eksperimentale kundër koronavirusit ka kaluar me sukses testimin e parë tek kafshët, raportojnë mediat e huaja.
Testimi u krye nga ekspertë të Universitetit të Pittsburgh të kryesuar nga profesori italian Andrea Gambotto, i cili e provoi vaksinën te një mi.
Sipas mediave të huaja, rezultati i fazës eksperimentale tek miu ka qenë i mjaftueshëm për të kuptuar reagimin e antikorpeve të veçanta që duhen për të neutralizuar virusin.
“Më 2003 kemi studiuar epideminë Sars Cov e në 2014 epideminë Mers Cov, që janë të lidhur me Covid 19 e që na mësojnë se një proteinë e veçantë e quajtur Spike është e rëndësishme për imunitetin ndaj virusit”, thotë profesori italian Andrea Gambotto,
Për injektimin e vaksinës është përdorur një teknologji inovative me 400 mikro gjilpëra që shpërndajnë proteinën Spike nën lëkurë, ku reagimi imunitar është më i fortë.
Testimet klinike tek njerëzit priten të nisin pas një viti por rezultati i tyre është mjaft i shpejtë falë eksperiencë së mbledhur.
Ky grup studiuesish e kanë emërtuar vaksinën PittCoVacc, që është shkurtimi i fjalëve Pittsburgh CoronaVirus Vaccine.