“Një 3-vjeçar që ishte larguar nga familja e tij në Kanada dhe kaloi tre ditë i zhdukur, u gjet i gjallë dhe në gjendje të mirë shëndetësore pranë një pylli”, njoftuan autoritetet vendase.
“Vogëlushi Jude Leyton, i cili u zhduk të dielën rreth mesditës, u gjet duke fjetur pranë një pellgu nga ekipet e kërkimit dhe shpëtimit ditën e djeshme”, njoftoi Global News Canada.
Shqetësimet rrethi gjejes së tij u shtuan pas rënies së temperaturave nën zero. Oficeri i kërkim-shpëtimit Bill Dickson, tha se: Ishte i veshur me një xhaketë dimri dhe një pulovër të trashë nën të dhe çizme. Ky ishte një nga elementët kryesorë që na mbanin me shpresa për jetën e tij.
Sipas medieve të huaja, në misionin e kërkimit u përdorën qentë e nuhatjes, njësi zhytësish dhe grupe të gjera vullnetarësh, që kërkuan në të gjithë zonën prej 200-hektarësh rreth liqenit Canoe për të gjetur Jude-n e vogël.
“Ishte një finale e mrekullueshme për disa ditë shumë, shumë të vështira,” tha rreshteri i policisë Curtis Dick.