Trupi i regjisorit të njohur Kristaq Mitro, i cili ndërroi jetë pak ditë më parë ën Austri, do të niset për në Shqipëri. Ditën e nesërme në orën 12:00-14:00 do të mbahen homazhet në nder të tij tek Akademia e Arteve.
Kristaq Mitro ishte një nga regjisorët më të famshëm të kinematografisë shqiptare, i cili ka lënë gjurmë të thella në historinë e filmit shqiptar. Shumë filma të njohur të kinematografisë shqiptare mbajnë emrin e tij si regjisor.
Disa nga filmat e zhvilluar nën regjisurën e tij janë: “Një djalë edhe një vajzë” (1990); “Telefoni i një mëngjesi” (1987); “Duaje emrin tënd” (1984); “Apasionata” (1983); “Njeriu i mirë” (1982); “Në prag të lirisë” (1981); “Liri a vdekje” (1979); “Nusja dhe shtetrrethimi” (1978); “Dimri i fundit” (1976); “Tokë e përgjakur” (1976); “Kur zbardhi një ditë” (1971) – ndihmës regjisor.
filmi “Një vajzë dhe një djalë”, ishte realizimi i projektit të fundit të Kristaq Mitros. Në një intervistë të dhënë tre vite më parë, Mitro u shpreh se po mendonte të rikthehej, madje kishte përzgjedhur kastin dhe vendet e xhirimit.