Agron Aruçi, Bedri Elezi dhe Fabjol Muçaj janë tre shqiptarët të cilët janë dënuar me 6 vite burg pasi u kapën në një fermë kanabisi në Angli.
Mediet britanike raportojnë se treshja e bashkëkombasve u arrestuan në 22 mars të 2023 në një “shtëpi bari”, vlera e mallit të së cilës kapte në treg rreth 90 mijë paund. Shqiptarët ranë në lupën e hetimeve të policisë pasi e kishin anashkaluar shpeshherë faturën e lartë të energjisë elektrike.
Ata u kapën në flagrancë teksa hynin në fermën e kanabist në orën pesë të mëngjesit, në Bangor High Street. Autoritetet sekuestruan rreth 21 kilogramë kanabis të bërë gati për shitje, vlerë që përllogaritej në 88 mijë paund në tregun e drogës.
Ata u dërguan në gjykatë, ku 36-vjeçari Bedri Elezi u dënua me dy vite burg, ndërsa 30-vjeçari Agron Aruçi dhe 21-vjeçari Fabjol Muçaj u dënuan me nga 22 muaj burg secili.
