Një 28 vjeçar është gjobitur me 1 milion lekë të vjetra nga Policia Kufitare në Sarandë, pasi është futur me skaf brenda zonës së kufizuar për mjetet lundruese në Ksamil. Gjithashtu, atij i është bllokuar dhe mjeti lundrues në bazë të ligjit.
Shërbimet e Policisë Kufitare Sarandë, kanë konstatuar në plazhin e Ksamilit një mjet lundrues tip skaf duke ushtruar aktivitetin e tij brenda zonës së kufizuar për mjetet lundruese dhe menjëherë kanë bërë shoqërimin e tij në Portin e Sarandës, për verifikime të mëtejshme.
Siç shihet dhe nga pamjet, skafi me disa persona në bord kalon zonën e kufizuar dhe lëviz pranë plazhistëve.
Në bazë të ligjit nr.43, të vitit 2020, shtetasi K. M., 28 vjeç, banues në Ksamil, u ndëshkua me masë administrative 100.000 lekë të rinj për shkelje të nenit 24/1/c, pasi nuk respektoi zonën e kufizuar për mjetet lundruese.
Atij ju bë dhe bllokimi i mjetit lundrues si dhe u ndëshkua me masën tjetër administrative 10.000 lekë të rinj për shkelje të nenit 14/1/b, pasi gjatë kontrollit rezultoi pa dokumentacionin përkatës në bord, njofton Policia Kufitare e Vlorës.