Borkica Gruevski, bashkëshortja e ish-kryeministrit Nikolla Gruevski, ka dorëzuar kërkesë për divorc në Gjykatën Themelore Civile në Shkup.
Nikolla dhe Borkica Gruevski u martuan në maj të vitit 2007 dhe janë prindër të dy vajzave.
Përfaqësuese e përkohshme e Gruevskit është emëruar avokatja nga Shkupi, Gabriela Jaksevski.
Kërkesa për divorc vjen pas tre vite e gjysmë, pasi Nikolla Gruevski u arratis në Budapest, për të mos vuajtur dënimin me burg për rastin “Mercedes”.
Kjo për ish-kryeministrin Gruevski është martesa e dytë, pasi më herët ai ishte martuar me mjeken Suzana Arbutina.
Kujtojmë se Nikolla Gruevski, i arratisur në Hungari, është dënuar së bashku me disa ish-zyrtarë të tjerë maqedonas për rastin e njohur “Kosmos”, për prishjen e një objekti të një biznesmeni që kundërshtonte politikën e partisë së Gruevskit, kur ky i fundit ishte në pushtet.
Më par ish-kryeministri është dënuar me dy vite burgim për blerjen e një makine luksoze në vlerë prej mbi 600 mijë euro, por dënimin nuk e ka vuajtur pasi ishte arratisur nga Maqedonia e Veriut.
