Një adoleshente e cila u godit nga rrufeja teksa po shëtiste me të atin në shtetin amerikan të Floridës ka ndërruar jetë.
Baylee Holbrook, 16 vjeç, dhe babai i saj u goditën të dy pasi rrufeja goditi një pemë të martën, thanë zyrtarët e Qarkut Putnam. Babai i saj humbi ndjenjat, por më vonë u zgjua për të gjetur vajzën e tij në një gjendje kritike dhe nuk merrte frymë.
Zonja Holbrook më pas u dërgua me urgjencë në spital, ku vdiq dy ditë më vonë të enjten në mëngjes, thanë zyrtarët. Shokët e saj të klasës u mblodhën në Palatka Junior-Senior School të mërkurën për t’u lutur për të dhe familjen e saj.
Shkolla e saj e mesme anuloi të gjitha ngjarjet e saj atletike të enjten në zi, ndërsa shokët e klasës dhe miqtë e saj u mblodhën në një kishë lokale për lutje kolektive. Të dhënat tregojnë gjithashtu se një në katër viktima të goditjes së rrufesë janë të rinj të moshës 15 deri në 24 vjeç dhe se gjashtë nga 10 vdekje nga rrufeja ndodhin gjatë një aktiviteti të lirë në natyrë.
