Në fakultetin e Arteve Dramatike në Shkup “Shën Kirili dhe Metodi” është zgjedhur si dekan porfesor Besfort Idrizi.
Idrizi është shqiptari i parë që emërohet si dekan pranë këtij fakulteti duke thyer kështu shumë tabu.
Ka qenë vetë Idrizi i cili përmes një postimi ka bërë me dije lajmin duke theksuar se ka dhe një oblikim të madh ndaj kësaj detyre pasi po udhëheq fakultetin ku ai vetë ka studiuar dhe kolegët i ka pasur profesorët e tij.
“Sot, nga ana e profesorëve të Fakultetit të Arteve Dramatike Shkup u zgjodha dekan i fakultetit. Me besimin e kësaj detyre, jo vetëm që më është bërë një nder i jashtëzakonshëm, por njëkohësisht e pranoj si detyrë me obligim të madh moral, sidomos duke e pasur parasysh që do duhet të udhëheq me institucionin ku unë kam studiuar, dhe ku kolegë i kam profesorët e mi nga të cilët mësova dhe vazhdoj të mësoj. Obligim akoma më të madh ndjej ndaj studentëve, të tanishëm dhe të ardhshëm, të cilët janë shpirti i fakultetit dhe të cilëve duhet t’u ofrojmë studime cilësore si parakusht për ardhmërinë e tyre të ndritshme.
Uroj që klima e sotme pozitive të na ndjek gjithmonë dhe të mundemi bashkërisht të krijojmë kushte më të mira për punë dhe studim, si dhe të prodhojmë kuadro me të cilat të gjithë do të krenohemi”, shkruan ai.
