Ish-kryetari i Partisë Demokratike, Lulzim Basha ka reaguar për situatën në Veri të Kosovës duke thënë se është i shqetësuar për tensionet në Veri të Kosovës dhe dënon dhunën e paprovokuar ndaj ushtarëve të KFOR, Policisë së Kosovës dhe mediave.
Basha tha se kjo është një përpjekje për destabilizim në rajon dhe se duket qartë se kush është i interesuar që kjo të ndodhë.
Ai shtoi se dialogu Prishtinë-Serbi, i cili ndërmjetësohet nga BE dhe mbështetet nga SHBA, është zgjidhja e vetme për paqe mes shqiptarve dhe serbëve në Kosovë.
“Thellësisht i shqetësuar për situatën në veri të Kosovës . Dënoj me forcë dhunën e paprovokuar ndaj trupave të KFOR, Policisë së Kosovës dhe mediave. Për këdo është e qartë se kush është i interesuar për dhunë dhe destabilizim.
Autoritetet e Kosovës duhet të tregojnë maturi në këtë situatë të tensionuar dhe të veprojnë në koordinim të pandarë me aleatët tanë, SHBA , BE dhe NATO.
Dialogu i ndërmjetësuar nga BE dhe i mbështetur nga SHBA me rezultat njohjen reciproke mes Kosovës dhe Serbisë është e vetmja rruga për paqe dhe stabilitet dhe për një jetë më të mirë për shqiptarët dhe serbët në Kosovë”, shkroi Lulzim Basha.