Zëvëndëskryeministrja Belinda Balluku, gjatë seancës së sotme plenare ka folur në lidhje me anulimin e vendosjes së fashës 800 kW për qytetarët.
Nga foltorja Balluku tha se ky vendim ka ardhur pas vlerësimit të situatës hidrike dhe të konsumit, duke i dalë kështu në mbrojtje Entit Rregullator i Energjisë për të cilët u shpreh se kanë bërë punën ashtu si duhet.
“Për sa i përket energjisë e kuptoj që jeni mërzitur shumë që nuk u aplikua fasha 800 kË. Ne nuk i marrim vendimet duke pasur parasysh nëse mërziteni ju apo jo. Ne kemi vlerësuar situatën hidrike dhe të konsumit.
Qytetarët janë gjithashtu më të sensibilizuar ndaj kërkesës sonë për të kursyer. Përmirësimi i kushteve hidrike të kaskadës, ulja e konsumit na bëri të rishikojmë aplikimin e fashës për këtë muaj. Ju që i hidheni ERE-së se s’keni çfarë t’i bëni gomarit dhe i bini samarit, nuk është mirë. Ata janë burra dhe gra të nderuara dhe keni një javë që po i bëni copë. ERE e ka bërë punën siç duhet”, tha Balluku.
