Parashikohen ndryshime në Kushtetutë sa i përket zgjedhjes së anëtarëve dhe kryetarit të Gjykatës Kushtetuese. Për përmbushjen e reformës në drejtësi, për të cilën është ngritur edhe një komision parlamentar. Ekspertja Aurela Anastasi ka komentuar sot mënyrën si do zgjidhen anëtarët e Gjykatës dhe kryetari i saj.
‘’Mendojmë ta mbyllim brenda janarit’’, tha Anastasi për amendimet e kësaj pjese të Kushtetutës.
“Formula mbizotëruese është ajo që parashikon kompetenca të ndara të organeve kushtetuese për emërimin e 1/3 të anëtarëve, pra 3+3+3. Të zgjedhur nga Presididenti, Kuvendi dhe organet e pushtet gjyqësor. Kryetari i Gjykatës Kushtetuese ka shumë mundësi të mbetet një zgjedhje e vetë Gjykatës Kushtetuese. Zgjedhja e anëtarëve ka procedurat e veta. Po gjithmonë zgjedhja e anëtarëve është ajo që ne e quajmë sistem 1/3 midis organeve të përcaktuara.
Sot mbyllet diskutimi për Gjykatën Kushtetuese dhe për të vazhduar me gjykatat e tjera.
Ne duam ta përfundojmë sa më shpejt për të qenë sa më korrekt me kërkesat e Komisionit të Venecias, brenda muajit janar”, tha Anastasi.