Një turist zvicerian është shpëtuar nga Policia në Karaburun pasi humbi orientimin dhe ishte bllokuar.
Mësohet se një shtetas me origjinë nga Zvicra i cili po eksploronte në këmbë pranë Gjirit të Shën Andras në Karaburun, kishte humbur orientimin në këtë zonë dhe ishte bllokuar. Shërbimet e Policsë Kufitare kanë bërë më pas të mundur lokalizimin e tij dhe e kanë shoqëruar në Dhërmi me mjetin e autorieteteve.
Turisti, i cili është në gjendje të mirë shëndetësore, ka falënderuar shërbimet e Policisë Kufitare, për reagimin e menjëhershëm dhe profesionalizmin e treguar gjatë ofrimit të ndihmës.
Njoftimi i Policisë
Gjiri i Shën Andreas, Karaburun
Mbeti i bllokuar në gjirin e Shën Andreas, pasi humbi orientimin në këtë zonë, Policia Kufitare e Vlorës i shkon në ndihmë turistit zvicerian.
Menjëherë pas marrjes së njoftimit se një turist që po eksploronte me këmbë, gjirin e Shën Andreas, ishte bllokuar në këtë zonë, për shkak se kishte humbur orientimin, shërbimet e Policisë Kufitare kanë organizuar punën për t’i shkuar në ndihmë atij.
Shërbimet e Policisë Kufitare kanë bërë të mundur lokalizimin e turistit nga Zvicra, dhe më pas e kanë shoqëruar atë, në Dhërmi, me mjetin e Policisë Kufitare.
Turisti, i cili është në gjendje të mirë shëndetësore, ka falënderuar shërbimet e Policisë Kufitare, për reagimin e menjëhershëm dhe profesionalizmin e treguar gjatë ofrimit të ndihmës.
Policia Kufitare e Vlorës vijon të jetë maksimalisht e angazhuar për të garantuar sigurinë e turistëve dhe vizitorëve që zgjedhin vendin tonë, gjatë gjithë vitit.
