Një bombul gazi ka shpërthyer në një banesë private të shtetasit E.K rreth orës 18:10 në rrugën “Niko Avrami” në Tiranë.
Sipas informacionit paraprak, fatmirësisht nuk ka të lënduar, por vetëm dëme të vogla materiale, ndërkohë që zjarrfikësja është nisur me urgjencë drejt vendngjarjes.
“Më datë 13.06.2021, rreth orës 18:10, në rrugën ”Niko Avrami”, si pasojë e lënies së bombulës së gazit ndezur ka rënë zjarr në banesën private të shtetasit E. K., ku ka dëme të vogla materiale.
Grupi hetimor ndodhet në vendngjarje dhe po punon për përcaktimin e rrethanave të ngjarjes”, njofton policia.
