Një rrjet i trafikut të heroinës dhe kanabisit i përbërë nga shqiptarë dhe italianë është shkatërruar, ndërsa kanë përfunduar në pranga 15 persona, mes tyre drejtuesi dhe krahu i tij i djathtë, të dy shtetas shqiptarë.
Operacioni nga Guardia di Finanza në bashkëpunim me prokurorinë italiane u zhvillua në Basilicata, Liguria dhe Puglia.
Ky grup menaxhonte trafikun e heroinës dhe kanabisit nga Shqipëria drejt Italisë, ndërsa të ardhurat i investonin në biznese të ndryshme. Komunikimet mes anëtarëve të grupit kryheshin mes aplikacionit “SKY” që përdor komunikimin e enkriptuar.
Gjatë hetimeve, të cilat u koordinuan nga Drejtoria Antimafia e Qarkut Trento, u sekuestruan mbi 20 kilogramë heroinë, 5.7 kilogramë marihuanë dhe 105 gramë kokainë.
Gjithashtu u kapë sasi të mëdha në parave “cash” si dhe u sekuestruan pasuri me vlerë totale rreth 4 milionë euro.
Lënda narkotike mbërrinte në Itali nga Shqipëria dhe ruhej në banesën e pronarit shqiptar të një ferme, më pas shpërndahej në zona të tjera.