Departamenti amerikan i Shtetit ka reaguar pas sulmit me raketa ndaj disa objekteve në Erbil të Irakut.
Fillimisht mediat raportuan se raketat e lëshuara nga Irani goditën një bazë ushtarake amerikane, por SHBA e mohon një gjë të tillë.
SHBA i bën thirrje Iranit të ndalojë menjëherë sulmet dhe ndërhyrjet në punët e brendshme të Irakut.
Nga sulmi me raketa u dëmtua redaksia e televizionit “Kurdistan 24”.
Reagimi i DASH:
Shtetet e Bashkuara dënojnë me forcë sulmet me raketa në Erbil të Irakut mbrëmë që erdhi nga Irani. Sulmet ishin një shkelje e egër e sovranitetit të Irakut. Asnjë objekt i SHBA-së nuk u dëmtua apo personeli i plagosur, dhe ne nuk kemi indikacione se sulmi ishte drejtuar ndaj SHBA-ve. Irani duhet të ndërpresë menjëherë sulmet e tij, të respektojë sovranitetin e Irakut dhe të ndalojë ndërhyrjen e tij në punët e brendshme të Irakut. Shtetet e Bashkuara qëndrojnë me partnerët tanë irakianë, përfshirë rajonin e Kurdistanit, dhe do të ndihmojnë partnerët tanë në rajon të mbrojnë veten.
