Kjo e hënë e 12 shtatorit e ka gjetur Tiranën me një fluks të lartë mjetesh në qarkullim, për shkak se është dita e parë e shkollës. Shërbimet e Policisë Rrugore të kryeqytetit janë vendosur në të gjitha rrugët, pranë shkollave dhe në nyjet kryesore të qarkullimit.
Prej orëve të para të mëngjesit, dhjetëra efektivë të Rrugores së Tiranës kanë dalë gatishmëri dhe po punojnë për vijueshmërinë normale të qarkullimit të mjeteve.
Në rrugët pranë shkollave, shërbimet e Policisë janë vendosur me patrulla fikse dhe të lëvizshme, për të shmangur mjetet që ndalojnë në korsinë e lëvizjes, apo ato që parkojnë “dysh” dhe krijojnë vështirësi e radhë në qarkullim.
