Shirat e dendur kanë shkaktuar përmbytje në Bullgari, Turqi dhe Greqi duke shënuar edhe disa viktima.
Në Bullgari, pamjet tregojnë përmbytje më zonën e Tsarevo, me makinat që “notojnë” në ujë. Autoritetet bullgare tregojnë se dy burra dhe një grua kanë ndërruar jetë si pasojë e përmbytjeve, ndërsa raportohet për disa të zhdukur.
Problematike është situata nga përmbytjet edhe në Turqi. Tre perosna humbën jëtën dhe tre të zhdukur janë raportuar në qytetin turk, Kirklareli.
Shiu i rrëmbyeshëm dhe përmbytjet kanë shkaktuar dy të vdekur në Greqi , e cila është goditur nga stuhia “Daniel”.
Zona më e rëndë e prekur është rajoni bregdetar qendror i Magnezisë, për të cilin meteorologët thanë se kishte patur aq shumë reshje në 24 orë sa zakonisht kishte gjatë një vjeshte të tërë.
Një peron u gjet i pajetë në Volos pasi e kishte zënë një mur, që kishte rënë si pasojë e rrëshqitjes së tokës nga reshjet e shumta. Rrëshqitjet e dheut mbyllën rrugët dhe shumë banorë të moshuar në zonën përreth malit Pelion mbetën të bllokuar.
