Ish-ministrja e Mbrojtjes Mimi Kodheli ka reaguar për herë të parë lidhur me tensionet e ditëve të fundit të shkaktuara nga tarifimi i Rrugës së Kombit.
Ndonëse u përfol se Kodheli si e përzgjedhura e Kukësit ka heshtur, socialistja foli sot nga foltorja e Kuvendit. Në sallë ku mungonte opozita Kodheli me tone të larta u shpreh se kjo tarifë nuk duhet të bjerë mbi kuksianët, siç e quajti ajo.
“Duhet të bëhet diçka me qëllim që mbi kuksianët të mos bjerë asgjë”, u shpreh Kodheli.
Ndërsa kryeministri Rama deklaroi sot nga Kuvendi, duke u kërkuar djesë kuksianëve dhe premtoi se nuk do të nisë sistemi i pagesës pa patur më parë një zgjidhje të pranueshme për banorët e zonës.
A ju ndihmoi ky artikull?
PoJo
