Një shtetas amerikan është rrëzuar teksa po eksploronte “Kanionet e Pesturës”, në Tepelenë.
Policia dhe forcat zjarrfikëse kanë bërë të mundur nxjerrjen e 20 vjeçarit të huaj nga vendi ku kishte rënë. Tashmë shtetasi me iniciale W. L. po transportohet në spital, për të marrë ndihmën e parë mjekësore, pasi ka marrë dëmtime në pjesë të ndryshme të trupit.
Informacion Paraprak:
Në fshatin Progonat, Tepelenë, në vendin e quajtur “Kanionet e Pesturës”, është rrëzuar shtetasi amerikan W. L., 20 vjeç.
Shërbimet e Policisë, në bashkëpunim me shërbimet zjarrfikëse, shërbimet e spitalit dhe banorë të zonës, kanë bërë të mundur nxjerrjen 20-vjeçarit nga vendi ku ishte rrëzuar.
Shtetasi W. L. po transportohet në spital, për të marrë ndihmë mjekësore, pasi ka marrë dëmtime në pjesë të ndryshme të trupit.
Në vendngjarje ndodhet grupi hetimor, i cili po punon për sqarimin e rrethanave të situatës.
