Gazetari Artan Hoxha rrëfeu një histori të dhimbshme në lidhje me të kaluarën e tij si emigrant në Greqi.
Hoxha u shpreh në emisionin ‘Opinion’ se kur e kishte kapur policia greke nuk mund të flitej për të drejta të njeriut, por për një dhunë barbare, larg një vendi të civilizuar.
Gazetari tregoi se pasi e dërguan në një postë policie u dhunua me shkopinj druri. Ai tha se kishte parë njerëz që iu ishin thyer duart dhe shumë të tjerë që kishin fraktura në trup nga dhuna e policisë greke.
“Mua më goditën nga fytyra dhe për faktin që mu përhap gjaku në fytyrë, dukesha shumë i dëmtuar dhe ajo më ndihmoi sepse i shpëtova drurit tjetër. Kemi qëndruar në bodrumet e stacionit policor, deri në momentin sa u bë numri i duhur për t’u nisur drejt Shqipërisë”, u shpreh Hoxha.
