Elis Kuçi rej disa vitesh është zëdhënës në KLD, por profesioni in tij është gazetar. Kuçi nuk ka hequr dorë nga të shkruarit dhe shpesh publikon analizat dhe komentet e tij.
Ndërkohë i ftuar sot në emisionin ‘Rreze Dielli’ ai tregoi se kurrë ne jetën e tij nuk ka patur rrjete sociale. Ndoshta të gjithëve na habit ky detaj, por Kuçi thotë se i pëlqen të ketë kontakte fizike me njerëzit.
“Arsyeja pse nuk u përfshiva në rrjetet sociale ishte sepse doja kontaktin fizik me njerëzit, sepse ndodh që të njihesh në rrjetet sociale dhe kur shihesh në rrugë nuk i flet. Më mirë 2-3 herë në vit dhe fizikisht se sa 3-4 herë në javë në FB. S’kam patur kurrë as Instagram dhe Facebook. Jo më larg se javën që kaloi, u nda nga jeta një pjestar i fisit dhe unë e mora vesh shumë vonë, dhe u thashë familjarëve që më parë njoftohej me telefon. Zakonisht një lloj asistente është bashkëshortja kur njerëzit nxjerrin njoftime vetëm në FB. Me një shok të vjetër që kam në Kanada, shkëmbejmë emaile”, ëhstë shprehur ai.
I pyetur nëse e pengon mungesa e rrjeteve sociale për të amplifikuar apo shpërndarë edhe më shumë shkrimet dhe opinionet e tij, Kuçi u shpreh se njerëzit konsumojnë “fast food” nëpër rrjetet sociale por nuk e “përtypin” pra nuk e analizojnë atë ç’ ka lexojnë.
“Përveçse si gazetar, gjithë formimin tim akademik dhe e studioj pak më imtësisht këtë çështje. Në Facebook apo në rrjete sociale vërtet mund të shpërndahet shkrimi por aty njerëzit janë si kalimtarë, si një fast food tek stacioni i trenit që merr shpejt një gjë dhe ikën, pra nuk e përtypin. Në gazetë ka vërtet më pak lexime por atyre që e lexojne u mbetet në mendje. Unë shkrimet, nëse nuk i botoj në gazetë më mirë nuk i publikoj fare se në gazetë mbetet”, ka thënë Kuçi.