Regjisori Robert Budina thotë se 32 vjeçari Arjan Sala pati impakt mediatik me veprimin që bëri, ndaj kryeministri Rama mori vendimin dhe e shpalli atë “Dëshmor të Atdheut”.
“Nëse do të ishin marrë masat dhe do të kishte një shtet do të ishin shpëtuar jetë, që varen nga menaxhimi. Prandaj ne duhet të reflektojmë që të bëhet puna si duhet dhe jo të reagojmë pasi vdes dikush. Ai pati një impakt mediatik më të madh prandaj mori një vendim të tillë kryeministri”, tha Budina në emisionin PolitikOn.
Gjithashtu, regjisori kërkoi që të merren masa dhe të mbahet përgjegjësi për humbjen e jetës së 32 vjeçarit.
“Kur bëheshin protestat zjarrfikëset furnizoheshin me ujë, ndërsa kur vjen puna për të shpëtuar jetë nuk paskan ujë. Ne duhet të ndërrojmë mentalitet dhe të reflektojmë që të mbajmë përgjegjësi”, shtoi Budina.
