Të paktën 16 persona kanë humbur jetën nga rrëshqitjet e dheu të shkaktuar nga reshjet e dendura disa mujore në jug të Ekuadorit.
Rrëshqitja e dheut ndodhi mbrëmjen e djeshme duke fundosur dhjetëra shtëpi, e duke plagosur 16 persona, ndërsa janë prekur rreth 500 të tjerë.
Presidenti i Ekuadorit Guillermo Lasso tha përmes një postimi në Tëitter se zjarrfikësit nga zonat fqinje ishin vendosur në fshatin Alausi në provincën Chimborazo, rreth 300 kilometra (180 milje) në jug të kryeqytetit, “për t’u kujdesur për qytetarët e prekur”.
Autoritetet thanë se po kërkojnë shtatë persona që ende rezultojnë të zhdukur.
Që nga fillimi i vitit, shirat e dendur në Ekuador kanë çuar në vdekjen e 22 personave, kanë shkatërruar 72 shtëpi dhe kanë dëmtuar më shumë se 6,900, sipas Sekretariatit të Menaxhimit të Rrezikut.
