Kryeministri Edi Rama sot ka qenë në Kosovë ku ka takuar disa zyrtarë, mes tyre edhe kryeparlamentaren Vjosa Osmani, në ambientet e Kuvendit.
Pak më parë Rama ka publikuar një video nga takimi me Osmanin ku vihet re se të gjithë janë të paisur me maska, ndërsa kryeministri i shoqëruar nga ministri në detyrë për Evropën dhe Punët e Jashtme Gent Cakaj, janë të vetmit që s’e kanë vendosur.
Në orën 17:00 Rama do të takojë edhe kryetarin e VV-së Albin Kurtin dhe në ora 18:50 do të takohet me presidentin e Kosovës Hashim Thaçi.
Takimi i Ramës me liderët politikë të Kosovës vjen pas aktakuzave të Gjykatës Speciale ndaj Hashim Thaçit dhe Kadri Veselit, për krime lufte dhe tortura njerëzore.
