Banorët e Zharrëzës kanë hyrë sërish në grevë kundër aktivitetit të kompanisë Bankers, të cilën ata e akuzojnë se po u shkatërron shtëpitë me aktivitetin që kryen në këtë zonë.
Ndonëse Ministria e Energjisë njoftoi ngritjen e një komisioni të posaçëm, çka solli mbylljen e grevës më 27 dhjetor 2016, situata pas gati dy muajsh mbetet e njëjtë, dhe banorët janë detyruar të rinisin grevën.
Pavarësisht se banorët ndodhen sot në ditën e gjashtë të grevës, asnjë nga televizionet kombëtare nuk ka raportuar për këtë çështje, duke e mbajtur të fshehtë nga opinioni publik.
Një prej protestuesve i kanë rënë të fikët dhe më pas ka pësuar atak kardiak, kur po akuzonte deputetët e qarkut të Fierit, duke filluar nga Gramoz Ruci, për mospërkrahje, të cilët i ka konsideruar edhe kriminelë.
Prokuoria ka nisur gjithashtu një hetim për Bankers, por kryeprokurori Adriatik Llalla akuzoi publikisht ambasadorin e SHBA-së, Donald Lu, se i ka bërë presion për të ndalur hetimet.
Gjithsesi, banorët me të drejtë kërkojnë përgjigjje nga 16 deputetët e këtij qarku që të angazhohen për zgjidhjen e problemeve.
16 personat bashkë-përgjegjës dhe që nuk po reagojnë:
Gramoz Ruçi – Deputet; Kryetar i Grupit Parlamentar të PS
Piro Lutaj – Deputet (PS)
Arben Çuko – Deputet (PS)
Bujar Çela – Deputet (PS)
Adelina Rista – Deputete (PS)
Erjon Braçe – Deputet; Kryetar i Komisionit të Ekonomisë (PS)
Ervin Koçi – Deputet (PS)
Anduel Xhindi – Deputet (PS)
Antoneta Dhima – Deputete (PS)
Petrit Vasili – Deputet; Ministër i Drejtësisë (LSI)
Robert Bitri – Deputet (LSI)
Kosma Dashi – Deputet (PD)
Bedri Mihaj – Deputet (PD)
Mesila Doda – Deputete (PDIU)
Omer Mamo – Deputet (PDIU)
Shpëtim Idrizi – Deputet; Nënkryetar i Kuvendit (PDIU)
