Një taksi është futur mes turmës në Moskë, dhe si pasojë kanë mbetur të plagosur 7 persona.
Ngjarja ndodhi disa orë më parë, në “Sheshin e Kuq”. Sipas mediave vendase, shoferi i taksisë është një 28-vjeçar, nga Kirigistani, identiteti i të cilit ende nuk bëhet i ditur. Shoferi është arrestuar menjëherë, ndërkohë dyshohet se mund të jetë një sulm terrorist, pasi ngjarja ndodhi një ditë pas kërcënime të ISIS, se do të bëjë masakër për Botërorin në Rusi.
Mësohet se disa prej të plagosurve janë në gjendje të rëndë shëndetësore, ndërsa pamjet e publikuara tregojnë për një sulm të fuqishëm. Dyshohet se shoferi ka qenë në gjendje të dehur, ndërsa autoritet ruse janë në gadishmëri të plotë.
