Kjo e enjte shënoi ditën më të përgjakshme të protestave kundër regjimit të ri ushtarak në Mianmar.
Policia hapi zjarr mbi protestuesit duke vrarë të paktën 38 persona dhe plagosur dhjetëra të tjerë.
Qindra protestues refuzuan të largohen nga rrugët edhe pse numri i viktimave dhe të plagosurve ishte i madh. Forcat e sigurisë qëlluan me armë, granata dhe gaz lotsjellës per të shpërndarë turmat.
Demonstrata masive në rrugë kanë ndodhur që kur ushtria e Mianmar organizoi një grusht shteti në 1 Shkurt dhe arrestoi udhëheqësen e zgjedhur me votë Aung San Suu Kyi, duke i dhënë fund një eksperimenti dekada të gjatë me demokracinë.
Liderët ushtarakë kanë pretenduar se ka pasur mashtrime në zgjedhjet e nëntorit të kaluar, ku partia e Suu Kyisë ka fituar.
