Nick Jonas foli për diagnozën e tij me diabetin e tipit 1 dhe rolin e rëndësishëm që luajti familja e tij në të.
Këngëtari i “Jonas Brothers” ka postuar në Instagram katër shenjat e ndryshme që mund të çojnë në diagnozën e sëmundjes. Ai shtoi gjithashtu se ishte falë faktit që familja e tij kishte vërejtur këto shenja që ai filloi mjekimin.
Nick u diagnostikua me diabet 18 vjet më parë, teksa nëna e tij tha se e kishte kuptuar se djali urinonte shpesh, kishte etje, rraskapitje dhe humbje të pashpjegueshme të peshës.
Postimi i plotë i Nick Jonas
18 vjet më parë u diagnostikova me Diabet të Tipit 1. Familja ime, veçanërisht mamaja ime, vuri re një ndryshim tek unë dhe pa katër shenjat kryesore që ne tani i dimë se janë simptoma të diabetit të tipit 1.
- urinim i shpeshtë
- etje e tepruar
- rraskapitje
- humbje peshe e pashpjegueshme.
Unë isha mjaft me fat që kisha këtë sistem të jashtëzakonshëm mbështetjeje rreth meje që vuri re këto shenja, më ndihmoi të merrja vendimin për t’u kontrolluar dhe në fund më shpëtoi jetën. Si baba i ri vetë, e kuptoj se sa e rëndësishme është të jem në vëzhgim për këto shenja ndërsa vajza ime rritet.
Këtë vit ne po zgjerojmë mesazhin tonë #Shikoshenjat vetëm për individët që janë duke u diagnostikuar, por edhe për ata përreth tyre.
Merr pjesë në fushatën tonë #SeeTheSigns dhe bashkohu me mua në rritjen e ndërgjegjësimit për këto simptoma të diabetit të tipit 1 dhe tipit 2 që shpesh mungojnë dhe ndihmo për të shpëtuar jetë.
