Një 60-vjeçar është plagosur rëndë ditën e sotme në fshatin Veterrik në Berat. Arben Qorri mësohet se ka rënë në një kanal teksa po kthehej nga spitali.
Ai kishte shkuar në Spitalin Rajonal të Beratit për të bërë disa analiza pasi kishte rezultuar pozitiv me Covid. Pas marrjes së mjekimeve ai po kthehej në këmbë për fshat, ndërsa në një moment, ai ka rënë në kanal, duke u plagosur rëndë.
Mendohet se 60 vjeçari ka patur luhatje tensioni dhe si pasojë është rrëzuar, duke rënë në kanal. Ai është dërguar në spital për të marrë ndihmën e parë mjekësore.
