Analisti Ervis Iljazi ka folur në lidhje me ngjarjen e rëndë të shënuar në Kosovë, ku terroristë serb sulmuan policinë në veri të Kosovës dhe vranë një efektiv.
Ai u shpreh se Serbisë i dështoi plani, pasi sipas tij synonin që në këtë përplasje të përfshiheshin edhe civilë, për të treguar kështu se serbët në veri të Kosovës janë të pakënaqur nga qeveria.
“Plani ishte të tregonte se Albin Kurti shtyp minoritetin dhe është i padrejtë dhe populli po revoltohet. Ka qenë një plan i madh. Është një plan i dështuar. Nuk mund të dërgonte disa njerëz me kallashnikovë sepse sot në sytë e diplomacis Serbia ka dalë shumë keq.
Unë gjykoj se jo janë vetëm kanë qënë të organizuar, por kanë dashur të implikojnë civilë. Se implikimi civilëve do ishte problem për qeverinë. Është një plan i dështuar falë edhe policisë së Kosovës që e menaxhuan shumë mirë dhe në kohë situatën.
Dyshimi im është që Serbia do që të na mësojë me këtë pamje në veri të Kosovës dhe kjo është një situatë delikte. Sot Kosova është në favor për shkak të menaxhimit të situatës”, tha ai ndër të tjera.
