Një i ri ka mbetur i plagosur pas një sherri me një tjetër person. Ngjarja ka ndodhur mbrëmjen e sotme në rrugën “Dritan Hoxha” pranë sheshit “Shqiponja” në kryeqytet, ku midis dy personave ka ndodhur një konflikt i çastit.
Si pasojë e sherrit, ka mbetur i plagosur shtetasi me iniciale M.N., 27 vjeç, i cili është transportuar drejt spitalit. Ndërkohë policia është vënë në kërkim të autorit, që godit me thikë 27 vjeçarin.