Pak ditë më parë u bë e ditur se personi më i pasur, Jeff Bezos do të udhëtojë në hapësire. Gjithashtu u tha se njerëzit kanë hapur një peticion që ai mos të kthehet më në tokë.
Peticioni është online dhe deri ditën e djeshme janë mbledhur plot 45 mijë firma, persona të cilët nuk e duan Bezos në Tokë.
Ky peticion është hapur me argumentin se Bezos nuk është një njeri i mirë dhe nisur nga kjo, i vetmi shans para se të instalohen mikroçipet 5G është që Bezos të mos kthehet më në tokë.
Ndonëse peticioni është i tejmbushur me teori konspirative, njerëzit vazhdojnë të jenë të mendimit se Bezos duhet të lihet në hapësirë.
Jeff Bezos do të fluturojë në hapësirë më 20 Korrik së bashku me vëllain e tij.
