Të paktën pesë persona kanë humbur jetën nga një shpërthim në një fabrikë municionesh në Ankara të Turqisë. Lajmi u konfirmua nga Ministria e Mbrojtjes e Turqisë.
Shpërthimi ka ndodhur rreth orës 08:45 në kompleksin e Korporatës shtetërore të Industrisë Mekanike dhe Kimike, në periferi të kryeqytetit, Ankara.
Autoritetet thanë se kanë nisur një hetim për shkakun e shpërthimit. Raportohet se në zonën e shpërthimit janë dërguar disa autoambulanca, si dhe forcat zjarrfikëse.
Si pasojë e shpërthimit të fuqishëm, xhamat e disa dyqaneve dhe shtëpive në zonat përreth u thyen, njoftoi televizioni NTV.