Departamenti Amerikan i Mbrojtjes ka deklaruar se ushtria amerikane është e përgatitur për sulme të tjera.
“Ne ende besojmë se ka kërcënime të tjera. Në fakt, unë do të thoja kërcënime specifike, të besueshme”, tha zëdhënësi i Pentagonit, John Kirby.
Ndonëse SHBA ka një afat kohor për evakuimin e afganëve deri më 31 gusht, Kirby u shpreh se do të gjenden mënyra të tjera për t’i larguar ata nga vendi i sulmeve deri në minutën e fundit.
“Ne do të jemi në gjendje t’i largojmë të evakuuarit deri në minutën e fundit”, tha zëdhënësi i Pentagonit, John Kirby.
Gjenerali i Ushtrisë amerikane, Hank Taylor tha se në 24 orët e fundit 12,500 njerëz janë evakuuar përmes 89 fluturimeve amerikane dhe të koalicionit.
Sulmi vetëvrasës me bombë që ndodhi ditën e djeshme në afërsi të aeroportit të Kabulit la të vrarë mbi 100 persona, përfshirë 13 trupa amerikane. Përgjegjësinë e sulmeve e mori grupi ekstremist Shteti Islamik (IS).
