Nga dita e sotme aplikacioni i transfertave të parave dhe pagesave, PayPal pritet të lejojë konsumatorët amerikanë të përdorin kriptovalutat për kryerjen e veprimeve financiare.
Klientët që disponojnë Bitcoin, Ethereum, Litecoin dhe monedha të tjera dixhitale pritet të kenë mundësinë për kryerjen e blerjeve përmes PayPal.
“Kjo është hera e parë që ju mund të përdorni kriptomonedhat tuaja brenda portofolit në PayPal njësoj si kartat e kreditit”, tha në një prononcim ekskluziv për Reuters CEO i PayPal Dan Schulman.
Ky veprim pritet të ndikojë në rritjen e vlerës së monedhave dixhitale dhe vjen vetëm pak ditë pasi kompania Tesla njoftoi se do të pranojë shitjen e makinave elektronike përmes Bitcoin.
