Një ngjarje e rëndë ka ndodhur në fashatin Kryekuq të Divjakës, aty ku një 70 vjeçar ka vrarë veten pasi plagosi më parë bashkëshorten e tij.
Nga hetimet e para të policisë ka rezultuar se pas një konflikti verbal për motive të dobëta me bashkëshorten e tij, shtetasen R.E, 62 vjeçe, 70 vjeçari e ka goditur bashkëshorten me bel( mjet bujqësorë) në kokë duke i shkaktuar plagë të rënda.
62 vjeçarja u dërgua për ndihmë mjeksore në Spitalin Rajonal Lushnje, ku është nën kujdesin e mjekëve. Pasi shtetësja R.E është dërguar në spital, i moshuari, ka vrarë veten në oborrin e shtepisë me armën e tij të gjahut.
Materialet për hetime të mëtejshme dhe për vlerësim do i kalojnë Prokurorisë së Rrethit Gjyqësor Lushnje.