Kryetarja e LSI, Monika Kryemadhi, në një konferencë të jashtëzakonshme për mediat reagoi për çështjen e inceneratorëve.
Ajo ka paralajmëruar se do të bëjë publike provat të cilat tregojnë se si parate e Inceneratorit të ardhura nga Malta janë përdorur në mënyrë masive për blerjen e votave në qarkun e Durrësit për zgjedhjet e 25 Prillit.
“Do t’ju rikujtoja të gjithë gazetarëve se para një viti kam denoncuar se do të vinin nga Malta paratë e Inceneratorit të cilat do të përdoreshin në zgjedhjet e 25 Prillit të vitit të kaluar. Shumë shpejt do të njiheni me atë dosje se ato para janë përdorur në mënyrë masive për blerjen e votës në qarkun e Durrësit”, tha Kryemadhi.