“Unë do të jem në një udhëtim të ri me 25 korrik, i gjatë dhe do të takoj të gjithë ata që duan një Shqipëri më të mirë dhe është përgjegjësi e jona, pasi vendi ynë ka bërë hapa pas seriozë e duhet një ringritje e fuqishme.”
Kështu është shprehur mbrëmjen e sotme presidenti Ilir Meta, duke zbuluar për herë të parë se një ditë pas përfundimit të detyrës zyrtare si kreu i shtetit, ai do të nisë një tur takimesh nëpër Shqipëri, shkruan neësbomb.al.
“LSI është temë për të cilën do të flasim pas 24 korrikut”, u shpreh ai në një intervistë për “Fax News”, duke mos preferuar të flasë për forcën politike që dikur e themeloi vetë dhe sot e drejton bashkëshortja e tij, Monika Kryemadhi.
“Unë besoj se kam një mision të pashmangshëm për t’ju përkushtuar rivendosjes së demokracisë në vend, të gjithë sistemit të llogaridhënies dhe të mbrojtjes së interesave kombëtare që minohen në mënyrë sistematike. Kjo është një sfidë e cila nis në 25 Korrik, dhe është një sfidë që do ti bëj bashkë gjithë shqiptarët e ndershëm dhe patriotë.
Jam shumë besim plotë se, ne do të tregojmë se jemi vërtet një popull shqiponjash. Dhe të gjithë ata që bënë llogaritë për të ekzekutuar pluralizmin politik dhe demokracinë në Shqipëri, me qëllim shkatërrimin e interesave tona kombëtare, do të zhgënjehen shumë thellë”, përmbylli Ilir Meta.