Ambasadori amerikan në Kosovë, Jeffrey Hovenier ka thënë se personat e përfshirë në sulmin e së dielës në veri, janë një grup i trajnuar dhe organizuar dhe se “dikush” i pajisi me armatim të rëndë.
Në një prononcim për mediet diplomati amerikan u shpreh se ka ende gjëra të cilat nuk dihen, ndërsa paralajmëroi se priten sulme të tjera në veri të Kosovës.
”Autoritetet serbe thanë se ata e kanë humbur forcën e se do ta përdorin këtë për sulme të tjera. Duhet t’i ruajmë energjitë, pajisjet që janë sekuestruar dhe strategjitë që po punojmë.
Ky është një grup i trajnuar dhe i organizuar dhe është dikush pas tyre që i ka pajisur me armatim të rëndë.”, ka thënë Hovenier për Klan Kosova.
Kujtojmë se në sulmet e së dielës grupet terrortiste serbe hapën zjarr ndaj forcave të Policisë së Kosovës, ku mbeti i vrarë efektivi Afrim Bunjaku dhe u plagosëmn dy të tjerë.
Nga shkëmbimi i zjarrit u vranë dhe tre agresorë serbë, si dhe u arrestuan pesë të tjerë. Për vrasjen e policit pati reagime të shumta nga politika shqiptare dhe ndërkombëtarët, të cilët dënuan aktin terrorist.
